Meditación á beira do río

Sentado á beira do río vin
Como, sen ás, voa o vento
Como, sen patas, corre a auga
Como, sen egoísmo, hai quen ama
Como, sen lingua, fálanos a conciencia
Como, sen mérito, medran moitos mangantes
Como, sen razón, impera moitas veces o absurdo
Como, sen compaixón, a envexa corroe as entrañas
Como, sen tregua, causamos tanta dor e tanta guerra
Como, sen excepción, caen mitos e magnates en cadoiro
Como, sen medo, médicos e misioneiros axudan ós pobres
Como, sen pudor, hai 'honorables' que atracan todo canto ven
Como, sen parteira, a Virxe María pariu a Deus nun cortello de Belén

Sentado á beira do río vin

Como, sen patas, corre a auga...