domingo, 19 de mayo de 2024
Desa cantidade, foron transferidos á Xunta 1.430 M, polo que faltaría por chegar o 8%, indicou. Hai que lembrar que estes fondos pódense executar ata o ano 2026.
Ademais, unhas 48.000 persoas e case 5.000 entidades e sociedades, beneficiáronse dos fondos do Mecanismo de recuperación e resiliencia executados polo Goberno galego ata finais do primeiro trimestre de 2024.
As actuacións concéntranse nas compoñentes do Plan de recuperación, transformación e resiliencia relacionadas coa mobilidade sustentable, as enerxías renovables, as políticas públicas para o mercado de traballo, a renovación e ampliación do Sistema Nacional de Saúde, a implantación da Axenda Urbana, a dixitalización, a modernización do sistema educativo, a economía dos coidados e a inclusión social.
Somos moi reivindicativos para pedir axilizar os fondos retidos do Goberno Central e para poder facer esta esixencia temos que ser meticulosos e áxiles, asegurou.
Neste sentido, con respecto á dotación dos PERTES, cos que se financian os proxectos transformadores público-privados, dos máis de 41.000 M anunciados e de xestión exclusiva do Goberno central, tan só se publicaron 21.224 M, é dicir, o 52%. Destes, ademais, só se adxudicaron 13.421 M, que representan o 33% dos fondos destinados a proxectos estratéxicos. Deste importe, o 4,6% corresponde a proxectos en territorio galego, 615,5 M.
Evidentemente, hai unha diferenza entre a adxudicación que fai a Xunta e o Goberno central e por iso volvemos reclamar que se cambie unha vez máis o sistema tan centralizado no reparto deses fondos, apuntou Rueda.
Cada galego reciclou o ano pasado unha media de 30,3 quilos de envases domésticos lixeiros e de papel-cartón, case un 3% respecto máis que o ano anterior. Estes datos enmárcanse no traballo desenvolvido pola Xunta e Ecoembes (organización sen ánimo de lucro que coordina a reciclaxe dos envases domésticos en todo o país) para mellorar o depósito, recollida e posterior recuperación deste tipo de residuos no conxunto da comunidade galega. En 2023 en Galicia recuperáronse 73.687 toneladas (Tn) de envases de orixe doméstica (37.640 Tn de envases plásticos, 23.781 Tn de papel-cartón, 11.566 Tn de envases metálicos e 700 Tn de recipientes de madeira).
A directora da Axencia Galega de Doazón de Sangue, Órganos e Tecidos, ADOS, Marisa López, salientou que o pasado ano se rexistraron en Galicia 103.525 doazóns de sangue, das que 9.564 se corresponden a persoas que doaron por primeira vez. Estes bos resultados, que foron expostos pola directora na Comisión 5ª de Sanidade do Parlamento de Galicia, sitúan Galicia entre as comunidades máis solidarias. Este número de doazóns permitiu dar resposta e garantir o abastecemento de hemoderivados de todos os centros hospitalarios de Galicia, en todo momento, e de xeito ininterrompido.
